2007星座運勢

^^"即將邁入新的一年囉，時間咻即ㄋㄟ就過去了,唉~
==============================================
白羊座 
比起06年，07年令你頭痕的事會多，唔及今年順利。07年最有利係外遊運，去國外公幹，又或者去外國進修升學都會有相當唔錯的成績。整體全年難免要東奔西跑，同人接觸的機會亦好多，絕對稱得上係豐富的一年！ 

事業方面~響07年上半截，事業發展尚算係順利，尤其響1月，但係踏入下半年，工作較為唔係咁順利，麻煩亦比往時多，尤其係10月同11月。 

金錢方面~只屬於一般，無災無難咁啦，響07年下半截投資運會好轉；較要注意的時間係7月至9月；另外可以的話記得避免響11月置業。 

戀愛方面~單身的白羊響下半年會有新進展，而拍緊拖的白羊響8月、9月同情人的關係較為差d。 


金牛座 
響07年，雖然外圍環境變化唔係太大，不過你一路煩緊的生活壓力就可以舒緩一下；同人際有關的麻煩一浪接一浪，尤其係家人同情人之間變得水火不容，問題只有你自己一個能夠解決；橫財運相當唔錯呢！ 

事業方面~未有特別進步，好彩亦唔會有咩災難咁囉，最有發展的時間係農曆新年前；最要留神的日子係7月至9月。 

金錢方面~正財收入仍然唔係太過穩定，幸好未算災難；響下半年要謹慎投資，尤其係9月，可免則免啦；反而手氣好，不妨小賭怡情兼賺個小外快。 

戀愛方面~拍緊拖的金牛雖然有小爭執，問題唔大，要多d留意11月；至於單身的金牛要好好把握上半年，踏入9月桃花就會直線下滑，甚至乎冇晒！ 


雙子座 
對於雙子座來講，07年一半好一半衰，首先係講好：無論係單身或者係有對象的雙子座響戀愛方面都會有好事發生；壞消息係財運有dd大鑊，至於工作方面亦有唔少難關等緊你；另外身體耐不耐就會出現小毛病，多多保重啦！ 

事業方面~工作唔多順利，轉工會越轉越差，尤其響2月至3月期間；10月工作運麻麻，寧願將勤補拙都唔好懶醒呀！ 

金錢方面~財運會受到考驗，內憂外患！響6月容易因自己大意而招致財物損失；響11月容易因外圍因素而招致投資失利。 

戀愛方面~單身的雙子座會脫離「寂寞的心俱樂部」，10月出現的對象最弱；拍緊拖的雙子座更加會成為老襯！恭喜晒！ 


巨蟹座 
去到07年，一直好大壓力的經濟問題終於可以鬆一口氣；全年的工作亦非常之順利，本來對你來講07年應該係個非常唔錯的年頭，不過呢！響3月容易出現因溝通得唔好而引致的誤會；而8月容易發生小意外，要破財擋災呀！ 

事業方面~雖然未去到話升職加薪，不過07的工作運非常理想，可以有唔同的新嘗試，要好好表現呀！ 

金錢方面~正財收入尚算穩定，不過對偏財同橫財就唔好有太大期望，響8月有危有機，自己要小心處理財務啦！ 

戀愛方面~算係不過不失咁啦，拍緊拖的巨蟹同情人關係無風無浪；而單身的巨蟹響10月較容易揀錯人，諗清諗楚。